خیبر پختونخوا میں نئی صوبائی کابینہ تشکیل دے دی گئی ہے۔ گورنر فیصل کریم کنڈی نے وزیراعلیٰ سہیل آفریدی کی جانب سے بھیجی گئی سمری پر دستخط کرتے ہوئے کابینہ کی منظوری دے دی۔
کابینہ کی حلف برداری کی تقریب آج سہ پہر تین بجے گورنر ہاؤس پشاور میں منعقد ہوگی، جہاں تمام نامزد وزراء، مشیران اور معاونِ خصوصی اپنے عہدوں کا حلف اٹھائیں گے۔
ذرائع کے مطابق نئی کابینہ میں مجموعی طور پر 13 اراکین شامل ہیں جن میں 10 وزراء، 2 مشیر اور ایک معاونِ خصوصی شامل ہیں۔
گورنر ہاؤس کے مطابق سابق مشیر خزانہ مزمل اسلم کو بھی دوبارہ کابینہ میں شامل کیا گیا ہے۔ دیگر ارکان میں مینا خان، فضل شکور، فیصل ترکئی، عاقب اللہ، شفیع جان، خلیق الرحمان اور ڈاکٹر امجد شامل ہیں۔
