پشاور ہائیکورٹ میں وزیراعلیٰ خیبر پختونخوا سہیل آفریدی کی حفاظتی ضمانت اور مقدمات کی تفصیلات سے متعلق درخواست پر سماعت ہوئی۔
جسٹس اعجاز انور اور جسٹس وقار احمد پر مشتمل بینچ نے کیس سننا تھا، تاہم وکلاء کی ہڑتال کے باعث باقاعدہ کارروائی ممکن نہ ہو سکی۔
عدالت نے وزیراعلیٰ کی حفاظتی ضمانت میں 27 نومبر تک توسیع دیتے ہوئے متعلقہ اداروں سے مقدمات کی مکمل تفصیلات دوبارہ طلب کرلیں۔ عدالت نے یہ بھی حکم دیا کہ 27 نومبر تک سہیل آفریدی کو کسی بھی درج مقدمے میں گرفتار نہ کیا جائے۔
وزیراعلیٰ کے وکیل نے مؤقف اختیار کیا کہ سہیل آفریدی کے خلاف اسلام آباد سمیت مختلف علاقوں میں مقدمات درج ہیں، اس لیے تمام ریکارڈ ان کے حوالے کیا جائے تاکہ وہ متعلقہ عدالتوں سے رجوع کرسکیں۔
