پاکستان اور سعودی عرب کے مابین حج 2026 کے انتظامات اور سہولیات کے حوالے سے باضابطہ معاہدہ طے پا گیا ہے۔ یہ معاہدہ گزشتہ شب جدہ میں سعودی نائب وزیرِ حج و عمرہ ڈاکٹر عبد الفتاح بن سلیمان المشاط اور پاکستان کے وفاقی سیکرٹری برائے مذہبی امور ڈاکٹر سید عطا الرحمان کے درمیان دستخط ہوا۔
تقریبِ دستخط میں سعودی عرب میں پاکستان کے سفیر عزت مآب نواف بن سعید المالکی، ڈائریکٹر جنرل حج جدہ عبدالوہاب سومرو، ڈائریکٹر حج مکہ مکرمہ عزیزاللہ خان، ڈائریکٹر حج مدینہ منورہ ضیاالرحمان، ڈپٹی سیکرٹری حج پالیسی چوہدری کاشف حسین اور پرائیویٹ حج کمپنیوں کی نمائندہ تنظیم کے عہدیداروں نے شرکت کی۔
ڈاکٹر سید عطا الرحمان نے سعودی حکومت کی جانب سے حجاج کرام کے لیے فراہم کی جانے والی عمدہ سہولیات اور مہمان نوازی پر شکریہ ادا کرتے ہوئے کہا کہ سعودی وزارتِ حج کی تعاون سے پاکستانی زائرین کو بہتر سے بہتر خدمات فراہم کی جائیں گی۔
انہوں نے مزید بتایا کہ گزشتہ برس کی طرح اس سال بھی پاکستانی حجاج کو اعلیٰ معیار کی سہولیات فراہم کرنے کے لیے تمام تر انتظامات بروقت مکمل کیے جائیں گے۔ وزارتِ مذہبی امور، سعودی حکومت کی رہنمائی کے مطابق، سرکاری اور نجی دونوں حج اسکیموں کے مؤثر انتظامات کے لیے پرعزم ہے۔
