ملک میں آئندہ پندرہ دن کے لیے پیٹرولیم مصنوعات کی قیمتوں میں کمی کا امکان ظاہر کیا جا رہا ہے۔ ذرائع کے مطابق 16 اکتوبر سے پیٹرول کی قیمت میں 6 روپے 10 پیسے فی لیٹر جبکہ ہائی اسپیڈ ڈیزل کی قیمت میں 97 پیسے فی لیٹر کمی متوقع ہے۔
اسی طرح مٹی کے تیل کی قیمت میں 2 روپے 75 پیسے اور لائٹ ڈیزل آئل کی قیمت میں 1 روپے 64 پیسے فی لیٹر کمی کا امکان ہے۔
ذرائع کے مطابق پیٹرولیم انڈسٹری نے قیمتوں سے متعلق اپنی ورکنگ مکمل کرکے اوگرا کو بھجوا دی ہے۔ اوگرا آج شام پیٹرولیم مصنوعات کی قیمتوں میں ممکنہ ردوبدل کی سمری پیٹرولیم ڈویژن کے ذریعے وزارت خزانہ کو ارسال کرے گا۔
وزارت خزانہ وزیراعظم سے مشاورت کے بعد کل پیٹرولیم مصنوعات کی نئی قیمتوں کی حتمی منظوری دے گی۔
