چیئرپرسن بی آئی ایس پی سینیٹر روبینہ خالد نے ڈی آئی خان میں پولیس وین پر ہونے والے دھماکے کی سخت الفاظ میں مذمت کی ہے۔
انہوں نے کہا کہ یہ بزدلانہ کارروائی ملک میں امن کو سبوتاژ کرنے کی ناکام کوشش ہے۔
سینیٹر روبینہ خالد کا کہنا تھا کہ دہشت گردی کے ایسے واقعات ہمارے حوصلے پست نہیں کر سکتے اور ہم پہلے سے زیادہ مضبوط عزم کے ساتھ آگے بڑھیں گے۔
ڈی آئی خان دھماکے میں شہید ہونے والے دو پولیس اہلکاروں کو خراجِ عقیدت پیش کرتے ہوئے انہوں نے کہا کہ قوم اپنے بہادر شہداء کی قربانیوں پر فخر کرتی ہے، ان کے لیے سلامِ عقیدت پیش کرتی ہوں۔
سینیٹر روبینہ خالد نے شہید اہلکاروں کے اہلِ خانہ سے دلی تعزیت اور ہمدردی کا اظہار کیا اور کہا کہ قانون نافذ کرنے والے اداروں کی قربانیاں کبھی رائیگاں نہیں جائیں گی۔
انہوں نے کہا کہ دہشت گردی کے مکمل خاتمے تک پاکستان کی جدوجہد جاری رہے گی، جبکہ زخمیوں کی جلد صحت یابی کے لیے بھی نیک خواہشات کا اظہار کیا۔
