کیڈٹ کالج وانا دھماکہ: اندرونی سی سی ٹی وی فوٹیج منظر عام پر آگئی

کیڈٹ کالج وانا کے مرکزی دروازے پر ہونے والے خودکش حملے کی اندرونی سی سی ٹی وی ویڈیو منظر عام پر آگئی ہے۔ فوٹیج میں واضح طور پر دیکھا جا سکتا ہے کہ حملہ آور نے کس طرح کالج کے مرکزی گیٹ کو نشانہ بنایا۔

سیکیورٹی ذرائع کے مطابق، 10 نومبر کو دہشتگردوں نے بارود سے بھری گاڑی کالج کے داخلی دروازے سے ٹکرا دی، جس کے نتیجے میں گیٹ مکمل طور پر تباہ ہو گیا اور قریبی عمارتوں کو بھی شدید نقصان پہنچا۔

ذرائع کا کہنا ہے کہ پاک فوج کے جوانوں نے فوری کارروائی کرتے ہوئے دو حملہ آوروں کو موقع پر ہی ہلاک کر دیا۔ ان کے مطابق معصوم طلبہ اور قبائلی عوام کو نشانہ بنانے والے دہشتگردوں کا نہ اسلام سے کوئی تعلق ہے، نہ قبائل یا پاکستان کی ترقی سے۔

سیکیورٹی فورسز کا کہنا ہے کہ ملک سے دہشتگردی کے مکمل خاتمے تک آپریشن جاری رہے گا۔

اپنا تبصرہ بھیجیں