مدھیہ پردیش سے افسوسناک خبر ہے کہ جوجسٹو کی معروف ایتھلیٹ روہنی کلام اپنے گھر میں مردہ حالت میں پائی گئی ہیں۔
بھارتی میڈیا کے مطابق پولیس نے ابتدائی تحقیقات کے بعد بتایا کہ واقعہ بظاہر خودکشی کا نتیجہ معلوم ہوتا ہے۔
روہنی کلام کی چھوٹی بہن کے مطابق وہ آشٹا کے ایک نجی اسکول میں مارشل آرٹس کوچ کے طور پر خدمات انجام دے رہی تھیں۔ ہفتے کے روز وہ دیواس اپنے گھر والوں سے ملنے آئی تھیں۔ اتوار کی صبح انہوں نے معمول کے مطابق ناشتہ کیا، فون پر کسی سے بات کی اور پھر اپنے کمرے میں چلی گئیں۔ کچھ دیر بعد جب دروازہ بند پایا گیا تو اہلِ خانہ نے توڑا تو وہ بے ہوش حالت میں لٹکی ہوئی ملیں۔ انہیں فوراً اسپتال منتقل کیا گیا، جہاں ڈاکٹروں نے ان کی موت کی تصدیق کردی۔
بہن نے الزام عائد کیا ہے کہ روہنی کو گزشتہ کچھ عرصے سے کام کے دباؤ اور اسکول انتظامیہ، خصوصاً پرنسپل، کی جانب سے ہراسانی کا سامنا تھا۔
