لاہور میں کھیلے گئے تیسرے ٹی 20 میچ میں پاکستان نے شاندار کارکردگی دکھاتے ہوئے جنوبی افریقا کو 4 وکٹوں سے ہرا دیا اور تین میچوں کی سیریز 1-2 سے اپنے نام کرلی۔
جنوبی افریقا کی جانب سے دیے گئے 140 رنز کے ہدف کو قومی ٹیم نے 19ویں اوور میں 6 وکٹوں کے نقصان پر حاصل کرلیا۔ کپتان بابراعظم نے ایک مرتبہ پھر عمدہ بیٹنگ کا مظاہرہ کرتے ہوئے 68 رنز کی اننگز کھیلی۔
ٹاس جیت کر کپتان سلمان علی آغا نے پہلے فیلڈنگ کا فیصلہ کیا جو مؤثر ثابت ہوا۔ جنوبی افریقی بلے باز ابتدا ہی سے دباؤ کا شکار رہے۔ ریزا ہینڈرکس (34)، کوربن بوش (30) اور فریرا نے کچھ مزاحمت ضرور دکھائی، مگر وکٹوں کے تسلسل نے مہمان ٹیم کو بڑا اسکور کرنے سے روک دیا۔
پروٹیز ٹیم مقررہ 20 اوورز میں 9 وکٹوں کے نقصان پر 139 رنز بنا سکی۔
پاکستان کی جانب سے شاہین شاہ آفریدی نے شاندار بالنگ کرتے ہوئے 3 کھلاڑیوں کو پویلین بھیجا، جبکہ فہیم اشرف اور عثمان طارق نے دو، دو وکٹیں حاصل کیں۔ محمد نواز اور سلمان مرزا کے حصے میں ایک، ایک وکٹ آئی۔
