جنوبی افریقا کی کرکٹ ٹیم تین ٹی ٹوئنٹی میچز کی سیریز کھیلنے کے لیے پاکستان پہنچ گئی ہے۔
سیریز کا پہلا میچ 28 اکتوبر کو راولپنڈی میں شیڈول ہے، جب کہ دوسرے اور تیسرے میچز بالترتیب 31 اکتوبر اور یکم نومبر کو لاہور کے قذافی اسٹیڈیم میں کھیلے جائیں گے۔
ٹی ٹوئنٹی مقابلوں کے اختتام کے بعد دونوں ٹیمیں تین ون ڈے میچز کی سیریز میں آمنے سامنے ہوں گی، جس کا آغاز 4 نومبر سے فیصل آباد میں ہوگا۔
تمام ون ڈے میچز کا انعقاد بھی فیصل آباد میں ہی کیا جائے گا۔
واضح رہے کہ اس سے قبل کھیلی جانے والی دو ٹیسٹ میچز کی سیریز 1-1 سے برابر رہی تھی۔
