پاک افغان تجارتی مرکز طورخم سرحد مسلسل 19ویں روز بھی بند ہے، جس کے باعث دونوں ممالک کے درمیان تجارتی سرگرمیاں مکمل طور پر تعطل کا شکار ہیں۔ گزرگاہ کی بندش سے سیکڑوں کارگو گاڑیاں سرحد کے دونوں اطراف طویل قطاروں میں کھڑی ہیں۔
کسٹمز حکام کے مطابق امپورٹ، ایکسپورٹ اور ٹرانزٹ ٹریڈ سے وابستہ ہزاروں گاڑیاں کئی روز سے پھنس کر رہ گئی ہیں۔ پاکستان کی جانب سے افغانستان کو سیمنٹ، ادویات، کپڑا، تازہ پھل اور سبزیاں سمیت مختلف مصنوعات برآمد کی جاتی ہیں، جب کہ افغانستان سے کوئلہ، سوپ اسٹون، خشک میوہ جات اور دیگر اشیاء درآمد ہوتی ہیں۔
