جنوبی وزیرستان: کیڈٹ کالج وانا پر حملہ آورو ں کے حملے کے دوران کیمرا آپریٹر مصباح الدین محسود جامِ شہادت نوش کر گئے۔
شہید مصباح الدین کا تعلق جنوبی وزیرستان کی تحصیل تیارزہ کے علاقے ورمڑ خیل سے تھا۔ وہ کیڈٹ کالج وانا میں بطور کیمرا آپریٹر اپنی خدمات انجام دے رہے تھے۔
عینی شاہدین کے مطابق حملے کے وقت مصباح الدین اپنی ڈیوٹی پر موجود تھے اور گولیوں کی زد میں آ کر موقع پر ہی شہید ہوگئے۔ ان کی عمر صرف 23 سال تھی۔
وزیرستان کے سیاسی و سماجی رہنما ملک سعید انور محسود نے مصباح الدین کی شہادت پر گہرے دکھ اور افسوس کا اظہار کرتے ہوئے آئی جی ایف سی ساوتھ کے پی سے مطالبہ کیا ہے کہ شہید کیمرا آپریٹر کو آرمٰی شہدا پیکج کے برابر مراعات دی جائیں تاکہ ان کی قربانی کو سرکاری سطح پر تسلیم کیا جا سکے۔
