خیبر پختونخوا حکومت نے ڈیرہ اسماعیل خان کی انتظامی ساخت میں تبدیلی کرتے ہوئے اسے دو حصوں میں تقسیم کر دیا ہے، جس کے نتیجے میں نیا ضلع پہاڑ پور وجود میں آ گیا ہے۔ سرکاری نوٹیفکیشن کے مطابق نئے ضلع کا نام پہاڑ پور ہوگا۔
بیان میں واضح کیا گیا ہے کہ ضلع پہاڑ پور میں تحصیل پہاڑ پور اور تحصیل پنیالہ شامل ہوں گی، جو اس سے پہلے سب ڈویژن کے طور پر کام کر رہی تھیں۔
بتایا گیا ہے کہ اس فیصلے کی منظوری صوبائی کابینہ نے 2 اکتوبر 2025 کو اپنے 39ویں اجلاس میں دی تھی، اور اب یہ فیصلہ باقاعدہ طور پر نافذ کر دیا گیا ہے۔
مزید کہا گیا ہے کہ ضلع کا صدر مقام بھی پہاڑ پور ہی ہوگا۔ نیا ضلع قائم ہونے کے بعد انتظامی ڈھانچے کی نئی ترتیب پر کام شروع کر دیا گیا ہے، جس سے مقامی سطح پر بہتر گورننس اور خدمات کی فراہمی کی توقع کی جا رہی ہے۔
